இம்மாத முதன்மை பணவீக்கத்தில் ஏற்பட்டுள்ள அதிகரிப்பு
கொழும்பு நுகர்வோர் விலை சுட்டெண் அடிப்படையிலான முதன்மை பணவீக்கம் இந்த மாதத்தில் அதிகரிப்பைப் பதிவு செய்துள்ளது.
தொகை மதிப்பு மற்றும் புள்ளிவிபரத் திணைக்களம் வெளியிட்டுள்ள புதுப்பிக்கப்பட்ட அறிக்கையில் இந்த விடயம் தெரிவிக்கப்பட்டுள்ளது.
கடந்த ஏப்ரல் மாதத்துடன் ஒப்பிடுகையில் மே மாத முதன்மை பணவீக்கம் அதிகரிப்பைப் பதிவு செய்துள்ளது.
இதற்கமைய, கடந்த ஏப்ரல் மாதத்தில் மறை 2 சதவீதமாக நிலவிய கொழும்பு நுகர்வோர் விலைச் சுட்டெண் அடிப்படையிலான முதன்மை பணவீக்கம் இந்த மாதத்தில் மறை 0.7 சதவீதமாக அதிகரித்துள்ளது.
ஏப்ரல் மாதத்தில் மறை 3.6 சதவீதமாக இருந்த உணவல்லா பணவீக்கம் மே மாதத்தில் மறை 3.3 சதவீதமாக அதிகரித்துள்ளது.
அத்துடன், கடந்த ஏப்ரல் மாதம் 1.3 சதவீதமாக இருந்த உணவு பணவீக்கம் இந்த மாதத்தில் 5.2 சதவீதமாகப் பதிவாகியுள்ளதாக அந்த திணைக்களம் தெரிவித்துள்ளது.
