உயர்தர பரீட்சைக்கு தோற்றும் மாணவர்களுக்கான முக்கிய அறிவிப்பு
தற்போது நடைபெற்று வரும் கல்வி பொதுத்தராதர உயர்தரப் பரீட்சையின் விவசாய விஞ்ஞான வினாத்தாள் வெளியான நிலையில் மாற்று பரீட்சைக்கான திகதியை பரீட்சைகள் திணைக்களம் அறிவித்துள்ளது.
விவசாய விஞ்ஞான பாடத்தின் வினாத்தாள் பரீட்சைக்கு முன்னதாக வௌிப்படுத்தப்பட்ட சம்பவத்தை தொடர்ந்து கடந்த 12ம் திகதி அந்த பாடத்தின் இரண்டாம் பாகத்தை இரத்து செய்வதற்கு பரீட்சைகள் திணைக்களம் நடவடிக்கை எடுத்திருந்தது.
அதேநேரம் கடந்த 8ஆம் திகதி நடைபெற்ற பரீட்சையின் முதல் பாகத்தை இரத்து செய்யவும் முடிவு செய்யப்பட்டுள்ளதாக இன்று வெளியிடப்பட்டுள்ள அறிவிப்பில் தெரிவிக்கப்பட்டுள்ளது.
இதன்படி, இந்த ஆண்டுக்கான விவசாய விஞ்ஞான பாட வினாத்தாளின் இரண்டாம் பகுதி பெப்ரவரி 1ஆம் திகதி வியாழக்கிழமை காலை 08.30 முதல் 11.40 மணி வரை நடைபெறவுள்ளது. முதல் பகுதி பெப்ரவரி 1 ஆம் திகதி வியாழக்கிழமை பிற்பகல் 01.00 மணி முதல் 03.00 மணி வரை நடைபெறவுள்ளது.
