இலங்கைக்கு சுற்றுப்பயணம் மேற்கொள்ளவுள்ள அவுஸ்திரேலிய கிரிக்கெட் அணி
அவுஸ்திரேலிய கிரிக்கெட் அணியுடனான இரண்டு போட்டிகளை கொண்ட டெஸ்ட் தொடர் இலங்கையின் காலியில் நடைபெறவுள்ளது.
முதல் டெஸ்ட் போட்டி, 2025 ஜனவரி 29ஆம் திகதியும், இரண்டாவது போட்டி பெப்ரவரி 6ஆம் திகதியும் ஆரம்பமாகவுள்ளன.
எனினும், இன்னும் பெயரிடப்படாத மைதானத்தில் பெப்ரவரி 13ஆம் திகதி சர்வதேச ஒருநாள் போட்டி நடத்தப்படவுள்ளதாக அவுஸ்திரேலிய கிரிக்கெட் சபை தெரிவித்துள்ளது.
சர்வதேச கிரிக்கெட் சம்மேளனத்தின் 2023-25க்கான உலக டெஸ்ட் செம்பியன்சிப் சுழற்சியின் ஒரு பகுதியாக இந்த டெஸ்ட் போட்டிகள் நடத்தப்படவுள்ளன.
இந்தநிலையில், டெஸ்ட் செம்பியன்சிப் புள்ளிப்பட்டியலில் இந்தியாவுக்கு அடுத்தபடியாக அவுஸ்திரேலியா இரண்டாவது இடத்திலும் இலங்கை மூன்றாவது இடத்திலும் உள்ளன.
