இன்றுமுதல் குறைவடையும் மருந்துகளின் விலைகள் – வெளியிடப்பட்டது வர்த்தமானி
60 வகையான மருந்துகளின் விலைகள் இன்றையதினம் முதல் 16% குறைக்கப்பட உள்ளது.
இந்த விலைக்குறைப்பு தொடர்பில் சுகாதார அமைச்சர் கெஹலிய ரம்புக்வெல்லவினால் வர்த்தமானி அறிவித்தல் வெளியிடப்பட்டுள்ளது.
இதற்கமைய 16% விலை குறைப்பு மேற்கொள்ளப்பட்டுள்ளதுடன், டொலரின் பெறுமதி வீழ்ச்சி காரணமாக இறக்குமதி செய்யப்படும் மருந்துகளின் விலை குறைக்கப்பட்டுள்ளதாக கூறப்பட்டுள்ளது.
புதிய வர்த்தமானி அறிவித்தலின் படி, 500 மில்லிகிராம் பரசிட்டமோல் மாத்திரை ஒன்றின் விலை 3 ரூபா 49 சதங்களாக குறைக்கப்பட்டுள்ள அதேவேளை, இன்சுலின் 10 மில்லிகிராம் குப்பியின் அதிகபட்ச சில்லறை விலை 2270 ரூபா 2 சதமாகவும் நிர்ணயிக்கப்பட்டுள்ளது.
அத்துடன், 375 மில்லிகிராம் அமோக்ஸிலின் கிளாவுலினிக் அமிலத்தின் அதிகபட்ச சில்லறை விலை 70 ரூபா 32 சதங்களாக குறைக்கப்பட்டுள்ளது.
