காலவரையறையின்றி பிற்போடப்பட்டது.,வாக்குச்சீட்டு அச்சிடும் பணி!
தேர்தலை நடத்தும் திகதி தொடர்பில் ஏற்பட்டுள்ள சிக்கல் நிலைமை மற்றும் வாக்குச்சீட்டுகளை அச்சிடுவதற்குத் தேவையான வசதிகள் கிடைக்காத காரணத்தினால் இந்தத் தீர்மானம் எடுக்கப்பட்டதாக அரச அச்சகம் தெரிவித்துள்ளது.
இதுவரை அச்சிடப்பட்ட வாக்குச்சீட்டுகள் மிகவும் பாதுகாப்பாக வைக்கப்பட்டுள்ளதாக அரச அச்சம் குறிப்பிட்டுள்ளது.
தேர்லுக்கான வாக்குச்சீட்டுகளை அச்சிடுவதற்குத் தேவையான பொலிஸ் பாதுகாப்பு கிடைக்காமை, வாக்குச்சீட்டு அச்சிடுவதற்குத் தேவையான பணம் கிடைக்காமை போன்ற காரணிகளால் அண்மை நாட்களில் வாக்குச்சீட்டுகளை அச்சிடும் பணிகளுக்குப் பாரிய தடை ஏற்பட்டிருந்தது.
தேவையான அனைத்து வசதிகளும் கிடைக்குமாயின் 25 முதல் 30 நாட்களுக்குள் அனைத்து வாக்குச்சீட்டுகளையும் அச்சடிக்கும் இயலுமை தமது நிறுவனத்திற்கு உள்ளதாக அரச அச்சகம் சுட்டிக்காட்டியுள்ளது.
