ரஞ்சித் மத்தும பண்டாரவின் பெயர் தேசியப்பட்டியலுக்குள் உள்ளீர்ப்பு
ஐக்கிய மக்கள் சக்தியை (SJB) பிரதிநிதித்துவப்படுத்தும் தேசியப் பட்டியல் நாடாளுமன்ற உறுப்பினர்களில் ஒருவராக, ரஞ்சித் மத்தும பண்டாரவின் (Ranjith Madduma Bandara) பெயரை உத்தியோகபூர்வமாக விசேட வர்த்தமானி அறிவித்துள்ளது.
மத்தும பண்டார தற்போது, ஐக்கிய மக்கள் சக்தியின் பொதுச் செயலாளராக பணியாற்றுகிறார். கடந்த பொதுத்தேர்தலில் ஐக்கிய மக்கள் சக்தி, ஐந்து தேசியப்பட்டியல் ஆசனங்களை பெற்றுக்கொண்டது.
இந்தநிலையில் ஏனைய நான்கு ஆசனங்களுக்கும் இன்னும் பெயர்கள் பரிந்துரைக்கப்படவில்லை.
இதேவேளை ரவி கருணாநாயக்கவின் தேசிய பட்டியலுக்கான பெயர் பரிந்துரை, தொடர்ந்தும் ஐக்கிய தேசியக்கட்சிக்குள் சர்ச்சையை தோற்றுவித்து வருகிறது.
