விமல் வீரவன்சவிற்கு முக்கிய அமைச்சுப் பதவி

தேசிய சுதந்திர முன்னணியின் தலைவர் விமல் வீரவன்சவிற்கு(Wimal Weerawansa) முக்கிய அமைச்சுப் பதவி வழங்குவது குறித்து பேச்சுவார்த்தை நடத்தப்பட்டு வருவதாக தெற்கு ஊடகமொன்று செய்தி வெளியிட்டுள்ளது.

அரசாங்கத்தின் முக்கிய அமைச்சுப் பதவியொன்றை வழங்குவது குறித்து பேச்சுவார்த்தை நடத்தப்பட்டு வருவதாகத் தெரிவிக்கப்படுகின்றது.

இந்த விடயம் தொடர்பில் ஜனாதிபதியுடன் தேசிய சுதந்திர முன்னணியின் இரண்டு நாடாளுமன்ற உறுப்பினர்கள் பேச்சுவார்த்தை நடத்தி வருவதாகத் தெரிவிக்கப்படுகின்றது.

இந்த இரண்டு நாடாளுமன்ற உறுப்பினர்களும் ஜனாதிபதி தேர்தலின் போது, ஜனாதிபதி ரணில் விக்ரமசிங்கவிற்கு ஆதரவளிப்பதற்கு இணங்கியுள்ளதாகத் தெரிவிக்கப்படுகின்றது.

இதற்கு விமல் வீரவன்சவும் இணக்கம் வெளியிட்டுள்ளதாகத் தெரிவிக்கப்படுகின்றது.

இதேவேளை, விமல் வீரவன்ச, திலித் ஜயவீர தலைமையிலான மவ் பிம ஜனதா கட்சி கூட்டணியில் இணைந்து கொண்டுள்ளமை குறிப்பிடத்தக்கது.

ஜனாதிபதிக்கு ஆதரவளித்தல் மற்றும் அமைச்சுப் பதவி குறித்த பேச்சுவார்த்தை தொடர்பில் விமல் தரப்பு அதிகாரபூர்வமாக இன்னும் தகவல்களை வெளியிடவில்லை.