வாட்ஸ் அப் செய்திகளை படிக்க மறக்கும் பயனர்களுக்கு மகிழ்ச்சி தகவல்!

வாட்ஸ் அப்(Whatsapp) செய்திகளை படிக்க மறக்கும் பயனர்களுக்கு நன்மை அளிக்கும் வகையில் புதிய அம்சம் ஒன்றை வாட்ஸ் அப் அறிமுகப்படுத்த உள்ளது.

அந்த வகையில், வாட்ஸ் அப்பில் பயனர்களால் படிக்கப்படாத செய்திகளை நினைவூட்டும்(reminder) புதிய அம்சம் ஒன்றே தற்போது அறிமுகப்படுத்தப்பட உள்ளது.

இந்த புதிய அம்சத்தின் அறிமுகத்தினால் எந்த செய்தியும் தவறவிடப்படாது என்று தெரிவிக்கப்படுகின்றது.

புதிய நினைவூட்டல் அம்சமானது, வாட்ஸ்அப் பயனர்களுக்கு அவர்கள் இன்னும் பார்க்காத செய்திகளைப் பற்றி அவ்வப்போது அறிவிக்கும்.

இந்த செயல்பாடு பயன்பாட்டின் அறிவிப்பு அமைப்புகள் மூலம் தனிப்பட்ட விருப்பங்களுக்கு ஏற்ப தனிப்பயனாக்கப்படலாம்.

குறித்த அம்சத்தை முயற்சி செய்ய, ஆண்ட்ராய்டு பயனர்கள் வாட்ஸ்அப் பீட்டா திட்டத்தில் சேரலாம் மற்றும் 2.24.25.29 பதிப்புக்கு மேம்படுத்தலாம்.

வாட்ஸ் அப்பின் புதிய நினைவூட்டல் அம்சம் செயல்பாட்டிற்கு கொண்டு வந்தால், பயனர்களுக்கு படிக்கப்படாத செய்திகளைப் பற்றி, குறிப்பாக அடிக்கடி தொடர்பு கொள்ளும் நபர்களிடமிருந்து வரும் செய்திகளைப் பற்றி அறிவிக்கும்.

அத்துடன், இந்த அம்சம் தற்போது பீட்டா பரிசோதனையாளர்களுக்கு கிடைக்கக்கூடிய நிலையில், வாட்ஸ்அப் விரைவில் அனைத்து பயனர்களுக்கும் இதை வெளியிட உள்ளது.